Fógra ó Thuismitheoirí

Cad is Fógra ó Thuismitheoirí ann?

Foirm ar líne is ea Fógra ó Thuismitheoirí chun an Chomhairle Náisiúnta um Oideachas Speisialta (CNOS) a chur ar an eolas go bhfuil tú ag lorg áit i scoil speisialta nó i rang speisialta do do leanbh.

Déanfaimid athbhreithniú ar d’fhaisnéis nuair a sheolfaidh tú an fhoirm chugainn. Má chomhlíonann an fhaisnéis agus na tuairiscí a chuireann tú ar fáil na critéir, gheobhaidh tú litir incháilitheachta.

Beidh an litir incháilitheachta seo ag teastáil uait nuair a bheidh tú ag déanamh iarratais ar rang speisialta nó ar scoil speisialta.

Spriocdháta: Seol d’fhoirm chugainn roimh an 1 Deireadh Fómhair 2025.

Má tá litir incháilitheachta agat cheana féin, déan teagmháil le d’Eagraí Riachtanais Speisialta Oideachais (ERSO) áitiúil chun litir incháilitheachta cothrom le dáta a fháil. Ní gá duit an fhoirm a líonadh arís.

Mura bhfuil do leanbh incháilithe, beidh ERSO i dteagmháil leat chun na roghanna atá ar fáil a phlé leat.

Mura bhfuil tú cinnte an gá duit an fhoirm a líonadh isteach, déan teagmháil le do ERSO áitiúil.

Má tá deacrachtaí agat leis an bhfoirm, déan teagmháil linn.

-Seol ríomhphost chuig parentsnotify@ncse.ie
– Cuir glaoch ar ár líne tacaíochta ag 01 603 3346

Is féidir leat tuilleadh sonraí a léamh faoin bpróiseas iarratais i gCiorclán 0039/2025 na Roinne Oideachais