Scoileanna Speisialta

Cad is scoil speisialta ann?

Tacaíonn scoileanna speisialta le daltaí a bhfuil riachtanais speisialta oideachais shuntasacha chasta acu.
Is scoileanna náisiúnta iad scoileanna speisialta ina gcuirtear oideachas bunscoile agus/nó iar-bhunscoile ar fáil do leanaí agus do dhaoine óga idir 4 agus 18 mbliana d’aois.

Chun áit a fháil i scoil speisialta, ní mór tuairisc ghairmiúil a bheith faighte ag an leanbh ina luaitear:
– Go bhfuil riachtanas speisialta oideachais ag an leanbh
– Go bhfuil an riachtanas chomh casta sin go moltar áit don leanbh i scoil speisialta

Bíonn cóimheas níos ísle idir daltaí agus múinteoirí i scoileanna speisialta bunaithe ar chatagóir an mhíchumais. Ciallaíonn sé sin gur líon beag daltaí a bhíonn sna ranganna.

Bíonn múinteoir amháin le haghaidh gach ochtar daltaí ag scoil speisialta a bhfuil míchumas measartha ginearálta foghlama ar na daltaí.

Bíonn ainmniúchán sonrach ag gach scoil speisialta. Ciallaíonn sé sin go gcaithfidh míchumas diagnóisithe a bheith ag dalta atá ag teacht le hainmniúchán sonrach na scoile. Mar shampla, uathachas, míchumais mheasartha nó dhomhain ghinearálta foghlama agus bodhar/laige éisteachta.