Comhairle CNOS

Deirbhile Nic Craith

Is í Deirbhile Nic Craith Stiúrthóir Oideachais agus Taighde agus Rúnaí Ginearálta Cúnta Chumann Múinteoirí Éireann (INTO). Chuir sí tús lena gairm ina múinteoir bunscoile i mBaile Átha Cliath, sular chaith sí cúpla bliain ina Ceannasaí ar Ghaelscoileanna, sular thosaigh sí ag obair le CNOS.

Tá sí freagrach san INTO as cúrsaí oideachais agus is í a stiúrann an Chomhdháil Chomhairleach bhliantúil ar Oideachas agus an Chomhdháil ar Oideachas Speisialta do chomhaltaí, a bhíonn ar siúl gach dhá bhliain.

Áirítear ar a ról reatha na réimsí seo a leanas:
– Curaclam agus measúnú
– Cuimsiú (oideachas speisialta agus míbhuntáiste oideachais)
– Luath-oideachas óige
– An Ghaeilge

Bhí sí ina hOifigeach Comhionannais san INTO idir 1996 agus 2002. Rinne sí ionadaíocht ar an INTO ar chomhlachtaí seachtracha amhail an Chomhairle Náisiúnta Curaclaim agus Measúnachta agus an Chomhairle um Oideachas Gaeltachta agus Gaelscolaíochta.

Is í atá ina hEagarthóir freisin ar an Irish Teachers’ Journal. Chomh maith lena Baitsiléir san Oideachas, tá Máistreacht agus PhD san Oideachas aici ón gColáiste Ollscoile, Baile Átha Cliath.